"Kadini təqdim etməyə ehtiyac yoxdur"

Supersport.Az-ın məlumatına görə, "Qarabağ"ın keçmiş futbolçusu Kadi Borgesin "Ferentsvaroş"a keçidinə macar klubunun idman direktoru Tamaş Hajnal münasibət bildirib.

"Kadini heç kimə təqdim etməyə ehtiyac yoxdur. Çünki onun Çempionlar Liqasının təsnifat mərhələsində "Qarabağ"la oyunda komandamıza qarşı necə mübarizə apardığını görmüşdük. O, böyük təcrübəyə malik, kəsərli hücumlar təşkil edə bilən və çox dinamik futbolçudur. Biz onun mümkün qədər tez uyğunlaşmasını gözləyirik. İnanırıq ki, Kadi bizə çox kömək edəcək".