"Neftçi" bərbad vəziyyətdə: daha bir məşqçi qovuldu
Supersport.Az-ın məlumatına görə, "Neftçi” PFK baş məşqçi dəyişmək baxımından liderdir.
Paytaxt təmsilçisi Peşəkar Futbol Klubu adlandırılsa da, bu komanda istər idarəçilik, istər futbolçu, istərsə də məşqçi seçimində bərbad vəziyyətdədir.
"Neftçi"də baş məşqçi maksimum 5-6 ay çalışa bilir. Əvvəlcə ötən il klub 2 illik müqavilə bağladığı rumıniyalı Adrian Mutunu 6 ay fəaliyyəti tamam olmamış istefaya göndərmişdi.
Bu gün isə "Neftçi" baş məşqçi Miodraq Bojoviçlə yolları ayırıb. Klub monteneqrolu məşqçiylə müqavilənin müddətinin uzadılmaması barədə qərar verib.
"Neftçi" Miodraq Bojoviçə gələcək karyerasında uğurlar diləyib. Ancaq Bakı komandası Bojoviçlə kontrakt imzalayan zaman müddətini açıqlamamışdı. Bu məşqçi "Neftçi"də 5 ay işləyə bilib.
Xatırladaq ki, Azərbaycan Premyer Liqasının son turunda "Sabah"a məğlub olan "Neftçi" 5-ci pilləyə yuvarlanaraq, Avropa yarışından kənar qalıb.
