“Yapon döyüşçüləri üçün gənc, yaşlı olmağın fərqi yoxdur, güclü olurlar. Çünki onlar yapondurlar və texniki cəhətdən istedadlıdırlar”.
Supersport.Az-ın məlumatına görə, Almaniyanın Düsseldorf şəhərindəki “Böyük Dəbilqə” turnirinin finalında Sanşiro Muraonu məğlub edən Azərbaycan millisinin cüdoçusu Məmmədəli Mehdiyev belə deyib.
“Böyük Dəbilqə” seriyalı turnirlərdə ilk dəfə qızıl medal qazanan 90 kq çəkili Mehdiyev çox xoşbəxt olduğunu bildirib:
“Döyüşün əvvəlində rəqibim iki xəbərdarlıq aldı və sona qədər bu üstünlüyü qorumağa çalışdım. Mümkün olan hər şeyi etdim və qələbə qazandım. Həqiqətən çox xoşbəxtəm”.
Qeyd edək ki, “Böyük Dəbilqə” turnirində Məmmədəli Mehdiyev (90 kq) qızıl, Rüstəm Orucov (73 kq), Zelim Kotsoyev (100 kq) və İrina Kindzerska (+78 kq) bürünc medal qazanıb. Bununla da Azərbaycan cüdo yığması 93 ölkə arasında 3-cü yeri tutub.
