"Fənərbağça" "İnter"ın hücumçusunu almaq istəyir

Supersport.Az xəbər verir ki, "İnter"in hücumçusu Edin Ceko karyerasını "Fənərbağça"da davam etdirə bilər.
Jurnalist Canluka Di Marzionun sosial hesabında verdiyi məlumata görə, 37 yaşlı bosniyalıya artıq Türkiyə klubundan 2 illik müqavilə ilə təklif gəlib. Bununla belə, futbolçunun "İnter"də qalmaq istədiyi bildirilir.
Ceko bu mövsüm İtaliya klubunda 51 oyun keçirib, 14 qol vurub və 5 məhsuldar ötürmə edib.