Şahin Bağırov "Təhsil"ə çempionluq kubokunu verdi - Foto
Digər, Voleybol, Foto
16 Aprel 2023 - 14:00
Bu gün Voleybol Mərkəzində kişi voleybolçular arasında ölkə birinciliyinin I Liqasında final oyunu keçirilib.
Supersport.Az-ın məlumatına görə, həlledici matçda "Təhsil" və "Ekspress" komandaları üz-üzə gəlib. Təhsil komandası 3:0 hesablı qələbə qazanaraq, birinci yeri tutub.
Ardınca I Liqa yarışlarında medal qazanan komandalar mükafatlandırılıb və çempionatın bağlanış mərasimi keçirilib.
Çempionluq kubokunu və medalları "Təhsil"ə Azərbaycan Voleybol Federasiyasının yeni prezidenti, Dövlət Gömrük Komitəsinin sədri Şahin Bağırovla vitse-prezident Faiq Qarayev təqdim edib.
Kişi voleybolçuların I Liqasında "Hərbi İnstitut" "Kapitalist" klubunu 3:0 hesabı ilə məğlub edərək üçüncü yerə sahib çıxıb.
Mükafatlandırmadan sonra dövlət himni səsləndirilib.
I Liqa (kişilər)
Qızıl medal uğrunda
"Təhsil" - "Ekspress" - 3:0 (25-17, 25-14, 32-30)
Bürünc medal uğrunda
"Hərbi İnstitut" - "Kapitalist" 3:0 (25:21, 26:24, 25:18)
