Karateçilərin uğursuzluğu

Azərbaycan karateçiləri Türkiyənin Konya şəhərində keçirilən Seriya A turnirində medal qazana bilməyiblər.

Supersport.Az xəbər verir ki, yarışda ümumilikdə 12 idmançımız iştirak edib.

Onlardan ən yüksək nəticəni 9-cu yeri tutan Nicat Kərimli (75 kq) göstərib.

Qeyd edək ki, Konyadakı turnirdə 76 ölkədən 1000 artıq karateçi iştirak edib. Karate1 silsiləsindən Seriya A turnirlərində dünya reytinqinin 32-ci pilləsindən aşağı yer tutan idmançılar mübarizə aparır.