"Neftçi"dən əzmkar heç-heçə

Türkiyənin Antalya bölgəsində təlim-məşq toplanışında olan "Neftçi" ilk yoxlama oyununa çıxıb.

Supersport.Az xəbər verir ki, Azərbaycan klubu Macarıstan "Kişvarda"sı ilə qarşılaşıb. "Neftçi" hesabda 0:2 hesabı ilə geridə olsa da, 42-ci dəqiqədə Emin Mahmudov, 71-ci dəqiqədə isə Ramin Nəsirli fərqlənərək, "ağ-qaralar"ı məğlubiyyətdən xilas edib - 2:2.

Qeyd edək ki, "Neftçi" növbəti görüşünü yanvarın 19-da Polşanın “Visla” (Plotsk) klubuna qarşı keçirəcək.

19 yanvar

17:00. "Neftçi" - "Kişvarda" (Macarıstan) - 2:2