Çempion Balabəy Ağayev: "Hücum planı qələbə qazandırdı"

Supersport.Az-ın məlumatına görə, cüdoçumuz Balabəy Ağayevin Parisdə çempion olmasına Beynəlxalq Cüdo Federasiyasının saytı yer ayırıb.

"Autsayder Ağayev ən yaxşını məğlub etdi" başlıqlı xəbərdə Azərbaycan təmsilçisinin özünü ən güclü göstərdiyi, finalda rusiyalı idmançı Ramazan Abdullayevə ipponla qalib gəldiyi qeyd olunub.

Yarışda 60 kq çəki dərəcəsində çempion olan Balabəy Ağayev ijf.org-a açıqlamasında deyib:

"Finala qədər biz xüsusi bir strategiya hazırlamadıq. Plan hücum etmək idi. Bu işə yaradı, buna görə də qalib olduq".