Supersport.Az-ın əldə etdiyi xəbərə görə, “Qəbələ” klubu maddi böhranla üzləşib. Futbol komandasına koronavirus pandemiyasıyla yanaşı, avrokuboklardan kənarda qalması böyük zərbə vurub.
Məlumatda bildirilir ki, sponsorlar da klubdan imtina etmək fikrinə düşüblər.
Azərbaycan Premyer Liqasında növbəti mövsümdə iştirak edəcək 8 komanda sırasında “Qəbələ” fəaliyyətsizliyini göstərir. Klubu üç oyunçu tərk edib, yeniləri də gətirilməyib. Müqaviləsi artırılan futbolçu da yoxdur. Çempionatın başlamasına bir ay qalsa da, “Qəbələ”də maddi vəziyyət ağırlaşıb, hətta komandanın dağılacağı haqda məlumat verilib.
