Stamenkoviçin koronavirusa yoluxan azərbaycanlı jurnalistə dəstəyi Serbiya mətbuatında

Stamenkoviçin koronavirusa yoluxan azərbaycanlı jurnalistə dəstəyi Serbiya mətbuatında
Futbol
26 May 2020 - 20:50



“Sabah”ın qapıçısı Saşa Stamenkoviçin Azərbaycandakı xeyirxah addımı ölkəsi Serbiya mətbuatında da işıqlandırılıb.





Supersport.Az-ın məlumatına görə, serblər tanınmış idman şərhçisi Gündüz Abbaszadənin bu gün sosial şəbəkə hesabında Stamenkoviç haqda yazdığı statusa istinadla xəbər hazırlayıb.
G.Abbaszadə statusunda Stamenkoviçin koronavirusa yoluxan jurnalist Anar Cəfərsoya yardım etmək üçün ondan nömrəsini soruşduğunu, eyni zamanda serb qolkiperin bir aylıq maaşını koronavirusla mübarizə fonduna keçirdiyini qeyd edib.

“HotSport” saytı 35 yaşlı qolkiperlə əlaqə saxlayaraq fikirlərini öyrənib: “Bu, edə biləcəyim ən az şeydir. Yeddi ildir buradayam. İstər Serbiya olsun, istər Qazaxıstan və ya Azərbaycan, həmişə kömək etməyə hazıram. Çox şadam ki, dünyanın dörd bir yanına yayılan virusla mübarizədə kiməsə kömək etdim”.

Xatırladaq ki, Anar Cəfərsoy Supersport.Az-ın təsisçisi, baş redaktorudur.






 




Digər xəbərlər