Supersport.Az-ın məlumatına görə, Beynəlxalq Cüdo Federasiyasının yeni reytinq cədvəlində Azərbaycanın bəzi idmançıları irəliləyib.
90 kq çəki dərəcəsində bir müddət əvvəl Təl-Əviv turnirində üçüncü, Almaniyanın Düsseldorf şəhərində keçirilən “Böyük Dəbilqə” yarışının qalibi olan Məmmədəli Mehdiyev 4606 xalla üç pillə yüksəlməklə 4-cı yerə qalxıb. Cüdoçumuzun finalda məğlub etdiyi yapon Sanşiro Murao (1690 xal) 18 addım irəliləyərək 28-cidir. Eyni xala malik Tural Safquliyev 25-ci sıranı 29-a dəyişib.
73 kq çəkidə Rüstəm Orucov 5328 xalla 4-cü, Hidayət Heydərov 4071 xalla 8-ci pillədə qalıb.
Təl-Əviv Qran-prisinin qalibi, Düsseldorfda yarışın üçüncüsü İrina Kindzerska (+78 kq, 5143 xal) 1 pillə enməklə 6-cıdır.
Elmar Qasımov (100 kq, 3538 xal) 1 pillə geriləməklə 11-ci, Zelim Kotsoyev isə (100 kq, 2324 xal) 4 pillə yüksəlməklə 21-cidir.
Digər cüdoçularımızın reytinqdə yeri:
31 (-1) Orxan Səfərov (60 kq, 1445 xal)
35 (+1) Kəramət Hüseynov (60 kq, 1189 xal)
28 (+2) Nicat Şıxəlizadə (66 kq, 1678 xal)
65 (+14) Murad Fətiyev (81 kq, 644 xal)
39. Aişə Qurbanlı (48 kq, 1021 xal)
66 (-1) Nəzakət Əzizov (52 kq, 476 xal)
61 (-1) İçinxorlo Munxtsedev (57 kq, 555 xal)
83 (-1) Xanım Hüseynova (63 xal, 261 xal)
95 (+1) Validə Mirzəzadə (70 kq, 180 xal)
100 (-2) Günel Həsənli (78 kq, 133 xal)
