Yığmamız mükafatsız qaldı

Supersport.Az-ın məlumatına görə, Bakıda keçirilən cüdo üzrə dünya çempionatının son - səkkizinci yarış günündə qarışıq komanda yarışları baş tutub. Fərdi mübarizədə də bütün ölkələrdən üstün olan Yaponiya qarışıq komanda yarışında da qızıl medal qazanıb. "Gündoğar ölkə" təmsilçisi finalda Fransadan güclü olub - 4:1.  Rusiya və Birləşmiş Koreya komandaları isə bürünc medala sahib olublar.

Qeyd edək ki, Azərbaycan millisi qarışıq komanda yarışlarında bürünc medal uğrunda görüşdə Rusiya yığmasına məğlub olaraq 5-ci yeri tutub.