34-cü Avropa Çempionatı Bakıda keçiriləcək
Digər, Gimnastika
04 Fevral 2017 - 13:32
Bu həftəsonu Avropa Gimnastika İttifaqının Lozannadakı baş qərargahında həmin qurumun İcraiyyə Komitəsinin iclası baş tutmuşdur.
Supersport.Az xəbər verir ki, görüşdə Azərbaycan Gimnastika Federasiyasının 2020-ci ildə idman gimnastikası üzrə Avropa Çempionatının ölkəmizdə keçirilməsi ilə bağlı irəli sürdüyü namizədliyə baxılmış və müzakirələrdən sonra Kişi İdman Gimnastikası üzrə 34-cü Avropa Çempionatının 2020-ci ilin 6-10 may tarixlərində paytaxtımızda keçirilməsi qərara alınmışdır. Qadın İdman Gimnastikası üzrə 33-cü Avropa Çempionatının təşkili isə Parisə (Fransa) həvalə olunmuşdur.
Qeyd edək ki, Beynəlxalq Gimnastika Federasiyasının 2017-2020-ci il Olimpiya dövrü üzrə yeni qaydalarına əsasən Avropa Çempionatlarında da Tokio-2020-yə lisenziya oynanılır.
Bundan əlavə, Azərbaycan Gimnastika Federasiyası növbəti Olimpiadaya qədər gimnastikanın 3 növü üzrə (idman gimnastikası, batut gimnastikası, bədii gimnastika) məhz lisenziya xarakteri daşıyan Dünya Kuboku mərhələləri, həmçinin bədii gimnastika üzrə Dünya Çempionatı təşkil edəcək.
Supersport.Az xəbər verir ki, görüşdə Azərbaycan Gimnastika Federasiyasının 2020-ci ildə idman gimnastikası üzrə Avropa Çempionatının ölkəmizdə keçirilməsi ilə bağlı irəli sürdüyü namizədliyə baxılmış və müzakirələrdən sonra Kişi İdman Gimnastikası üzrə 34-cü Avropa Çempionatının 2020-ci ilin 6-10 may tarixlərində paytaxtımızda keçirilməsi qərara alınmışdır. Qadın İdman Gimnastikası üzrə 33-cü Avropa Çempionatının təşkili isə Parisə (Fransa) həvalə olunmuşdur.
Qeyd edək ki, Beynəlxalq Gimnastika Federasiyasının 2017-2020-ci il Olimpiya dövrü üzrə yeni qaydalarına əsasən Avropa Çempionatlarında da Tokio-2020-yə lisenziya oynanılır.
Bundan əlavə, Azərbaycan Gimnastika Federasiyası növbəti Olimpiadaya qədər gimnastikanın 3 növü üzrə (idman gimnastikası, batut gimnastikası, bədii gimnastika) məhz lisenziya xarakteri daşıyan Dünya Kuboku mərhələləri, həmçinin bədii gimnastika üzrə Dünya Çempionatı təşkil edəcək.
