"Sabah" "Sumqayıt"ı da məğlub etdi
Futbol
31 İyul 2020 - 12:06
Qəbələdə dünən yarımçıq dayandırılan "Sumqayıt" - "Sabah" yoxlama oyunu bu gün davam etdirilib.
Güclü leysan səbəbindən qarşılaşma təxirə düşmüşdü.
Dünən ilk hissəsi 0:0 hesabıyla başa çatan oyunun ikinci taymı bu gün oynanılıb.
"Sabah" Slavik Alxasovun qoluyla "Sumqayıt"ı məğlub edib.
Qeyd edək ki, "Sumqayıt" bunadək Avropa Liqasında digər təmsilçimiz "Neftçi"yə böyük hesabla uduzmuşdu - 0:3.
"Sabah" isə ilk görüşdə Çempionlar Liqasında yarışacaq "Qarabağ"a 2:1 hesabı ilə qalib gəlib.
