“Qarabağ”ın forması icra başçısına hədiyyə edildi - Şəkillər

“Qarabağ” koronavirus pandemiyası ilə əlaqədar ölkəmizdə tətbiq olunan xüsusi karantin rejimi zamanı Ağdamda yaşayan ailələrlə görüşə gediblər.

Supersport.Az xəbər verir ki, Ağdam klubunun direktoru Emrah Çelikel, baş məşqçi Qurban Qurbanov və futbolçular: Rəşad Sadıqov, Qara Qarayev, Mahir Emreli, Maksim Medvedev və Şahruddin Məhəmmədəliyevin yer aldığı heyət Ağdamda şəhər icra hakimiyyətinin başçısı Vaqif Həsənov tərəfindən qarşılanıb. İcra başçısı futbolçularla söhbətində hər zaman komandanın yanında olduğunu və qazandığı uğurlarla fəxr etdiyini dilə gətirib. Vaqif Həsənova klub tərəfindən forma və futbolçuların imzalı topu hədiyyə olunub.

Daha sonra "Qarabağ" tərəfindən 1500 ərzaq bağlaması aztəminatlı ailələrə paylanılıb. (qarabagh.com)