"Qarabağ"ın oynadığı stadion "Avro-2020"yə hazırlanır - Şəkil
Futbol, Foto
05 Yanvar 2020 - 19:56
Supersport.Az-ın məlumatına görə, Avro-2020-nin 4 oyununun keçiriləcəyi Romanın Olimpiya Stadionu açılış matçına hazırlanır.
İdman qurğusunda ilk görüş iyunun 12-də İtaliya və Türkiyə yığma komandaları arasında baş tutacaq.
Stadion 1950-ci ildə 100 min tutuma malik olsa da, 60-cı il olimpiadasında 65 minə düşürülüb. Hazırda isə 68 min yerlikdir.
Olimpiya stadionunda 1960-cı il Olimpiadası, 1990-cı il Dünya Kuboku, 1977, 1984, 1996, 2009-cu il Çempionlar Liqası finallarıyla yanaşı, "Six Nations" reqbi oyunları da keçirilib.
İdman qurğusu "Roma", "Latsio" klubuna, İtaliya Milli Olimpiya Komitəsinə aid 3 paltardəyişmə, 1 hakim, 1 dopinq testi, bir fitnes otağına sahibdir. Ot örtüyünü saxlamağa xüsusi diqqət yetirilir. Səslə idarə olunan işıq sistemləri yenilənib.
İki il əvvəl Çempionlar Liqasının qrup mərhələsində "Qarabağ" bu stadionda "Roma"ya 1 qolla məğlub olub.
