"Roma"da zədənin ardından start heyətə qayıda bilməyən Cengiz Ünderin "Sevilya"ya keçəcəyi bildirilir.
Supersport.Az-ın Türkiyə mətbuatına istinadən məlumatına görə, İspaniya klubunun direktoru Monçi İtaliyaya gətirdiyi türk futbolçunu hazırki klubuna aparmaq istəyir.
"Başakşehir"den 15 milyon avroya "Roma"ya keçəndən sonra Cengiz möhtəşəm oyun nümayiş etdirsə də, zədə səbəbindən start heyətdən kənarda qalıb.
Roma təmsilçisinin baş məşqçisi Paulo Fonseka 22 yaşlı futbolçu üçün "Ondan daha yaxşı oyun gözləyirəm, səviyyəsini artırmalıdır" deyib.
Cengiz bu mövsüm 9 oyunda 375 dəqiqə meydanda olduğu müddətdə 1 qol vurub, effektli ötürmə verməyib.