Millimizin düşərgəsində dava - Ramil Şeydayev: "Sənin kimilər bu formanı geyinməməlidir"

Millimizin düşərgəsində dava - Ramil Şeydayev: "Sənin kimilər bu formanı geyinməməlidir"
Futbol
20 Noyabr 2019 - 22:49
Avropa çempionatının seçmə mərhləsinə Slovakiyada yekun vuran millimizin düşərgəsində şok hadisə baş verib.

Supersport.Az xəbər verir ki, ev sahibləri ilə görüşün fasiləsində komandamızın paltardəyişmə otağı "savaş meydanı"na dönüb.

Belə ki, Ramil Şeydayev ilk hissədə qeyri-fəallığı ilə yadda qalan Eddi İsrafilova sərt etirazını bildirib. Eddiyə passiv və istəksiz oynamasını irad tutan Ramil "Sənin kimilər bu formanı geyinməməlidir" deyib.

İsrafilov komanda yoldaşına "Sən mənə heç nə deyə bilməzsən" cavabı verincə, ara qarışıb. Şeydayevin müdafiəsinə qalxan Qara Qarayev Eddiyə tərəf gedib.

Bu zaman digər futbolçular araya girərək, onların əlbəyaxa olmasının qarşısını güclə alıb. Nikola Yurçeviç həmin vaxt içəridə olsa da, mübahisəyə qarışmayıb, sakitcə bir kənara çəkilərək yaşananları izləyib.

İsrafilov bundan hiddətlənərək, formasını əynindən çıxarıb və "Mən meydana çıxmıram" söyləyib. Onu duş qəbul etməyə getdiyini görən baş məşqçi Elvin Camalova ikinci hissədə meydana çıxmağı tapşırıb.

Digər xəbərlər