Supersport.Az-a daxil olan məlumata görə, “Qarabağ” yeni futbolçu Maqaye Qeyeylə 2 il müqavilə imzalayıb.
Seneqallı hücumçu 99 nömrəli formada mübarizə aparacaq.
29 yaşlı futbolçunun qiyməti 400 min avrodur.
Forvard karyerası ərzində Fransanın “Strasburq”, “Brest”, İngiltərənin “Everton”, “Milloull” və Türkiyənin “Adanaspor” komandalarında çıxış edib. Maqaye son olaraq “Osmanlıspor”un formasını geyib.
Qeyd edək ki, “Qarabağ” əvvəlcə braziliyalı müdafiəçi Ailton Silvanı, mərakeşli cinah oyunçusu Faysal Rerrası və ispaniyalı hücumçu Xayme Romeronu transfer edib.
