Supersport.Az-ın məlumatına görə, bu gün Azərbaycan Kubokunun 2018/19 mövsümünün qalibi məyyənləşib.
“Qəbələ” – “Sumqayıt” finalı keçirilib. AFFA, PFL rəhbərliyi komandaların istidə oynamasına qərar vermişdi. Naxçıvan stadionunda işıqlandırma sistemi olmadığından qarşılaşma 17:00-a təyin olunmuşdu.
İki il əvvəl “Qarabağ” – “Qəbələ” finalı həmin məkanda 35-40 dərəcə istidə keçirilmişdi. Hər iki komanda buna etiraz etmişdi.
“Qəbələ” – “Sumqayıt” finalına gəlincə, Naxçıvanda oyundan əvvəl yağış yağıb, sonra hava isti olub.
Bu, rəqiblər ölkə kubokunda ilk dəfə üz-üzə gəlib. Komandalar kubokun 27 illik tarixində 465-ci cüt olub. Əvvəlki 25 finalda isə 20 fərqli cütlük üz-üzə gəldiyindən “Qəbələ” – “Sumqayıt” 21-ci kimi tarixə düşüb.
Kubokun qalibi Qəbələ təmsilçisi Avropa Liqasında iştirak hüququ qazanıb.
Azərbaycan Kuboku
Final
19 may
17:00. “Qəbələ” – “Sumqayıt” 1-0
Qol: Stiven Monroz 4
Hakimlər: İnqilab Məmmədov, Rahil Ramazanov, Pərvin Talıbov, Səbuhi Bayramov
Hakim-inspektor: Vüsal Əliyev
AFFA nümayəndəsi: Eldəniz Musayev
Naxçıvan Muxtar Respublikası Stadionu
