"Qarabağ" Avropa Liqasında 4.7 milyon avro qazandı
Supersport.Az-ın əldə etdiyi məlumata görə, UEFA Avropa Liqasına qatılan hər komanda iştirak pulu kimi 4,31 milyon avro qazanıb.
Liqa mərhələsini ilk 16-da bitirənlər əlavə 600 min avro, 17-24-cü yerləri tutanlar 300 min avro, Liqada sonuncu olanlar 75 min avro, Liqa lideri isə 2,7 milyon avro alacaq.
1/8 final mərhələsinə yüksələn komandalar 1,75 milyon avro, 1/4 finalda 2,5 milyon, yarımfinalda 4,2 milyon, finalda isə 7 milyon avro qazanacaq.
UEFA Avropa Liqasının 2024-2025-ci il mövsümünün çempionu seyfinə 6 milyon avro qoyacaq.
Avropa Liqasının liqa mərhələsində hər qələbəyə görə komandalar 450 min avro, heç-heçəyə 150 min avro gəlir əldə edir. "Qarabağ" Norveçdə "Bodo Glimt"i məğlub etdiyi üçün 450 min avro qazanıb.
"Qarabağ" Avropa Liqasının Liqa mərhələsində ümumilikdə 4 milyon 760 min avro gəlir əldə edib.
