Çempionlar Liqası: "Borussiya" Fransa klubunu yıxdı

Çempionlar Liqasında yarımfinal mərhələsinin oyunları keçirilir.

Supersport.Az xəbər verir ki, bu gün daha bir oyun baş tutub.

Almaniyanın “Borussiya” (Dortmund) komandası doğma meydanda Fransa təmsilçisi PSJ-ni sınağa çəkib.

“Siqnal İduna Park”da keçirilən matçın taleyini bir qol həll edib. Yekunda alman klubu qələbə qazanıb.

Yarımfinalın digər ilk matçında Almaniya və İspaniya nəhəngləri – “Bayern” və “Real” heç-heçə oynayıblar – 2:2.

“Borussiya” (Dortmund, Almaniya) – PSJ (Fransa) 1:0

Qol: Fullkruq, 36.

Baş hakim: Entoni Teylor (İngiltərə).

Dortmund, “Siqnal İduna Park” stadionu.

"Borussiya Dortmund": Kobel, Ryerson, Hummels, Şlotterbek, Maatsen, Sabitzer, Emre Can, Adayemi, Brandt, Sanço, Fülkruq

PSJ: Donnaruma, Nuno Mendes, Hernandez, Marqiunos, Hakimi, Vitinya, Fabian Ruiz, Ziere-Emeri, Barkola, Mbappe, Dembele

Cütün taleyinə mayın 7-də Parisdə keçiriləcək cavab matçında aydınlıq gələcək.