Daxili işlər naziri Ramil Usubovdan İslamiadaçılara mükafat - Foto

Supersport.Az-ın məlumatına görə, daxili işlər naziri Ramil Usubov ölkəmizdə keçirilən 4-cü İslam Oyunlarında fərqlənən idman adamlarını və olimpiyaçıları mükafatlandırıb.

"Şöhrət" ordenli olimpiya çempionları Namiq Abdullayev və Zemfira Meftəhəddinova, o cümlədən, 3 dəfə olimpiya oyunlarında idarəçilik etmiş İ-S dərəcəli hakim Hicran Şərifov İslamiadada fərqləndiklərinə görə Fəxri fərmanla təltif olunublar.

Bundan başqa, FİFA referisi Fariz Yusifov, taekvondoçu Fəridə Əzizova, zorxanaçı Tural Əliyev və digərləri müxtəlif mükafatlara layiq görülüblər.