"Qarabağ"ın qış hazırlıq planı məlum oldu
Futbol
256
23 Dekabr 2024 - 22:15
Supersport.Az xəbər verir ki, "Qarabağ"ın qış hazırlıq planı müəyyənləşib. Ağdam komandası 2024/25 mövsümünün ikinci yarısına hazırlığı Bakıda keçirəcək.
Azərbaycan Premyer Liqasının XVIII turunun "Araz-Naxçıvan"la dekabrın 22-də baş tutan oyunundan (2:0) sonra istirahətə buraxılan "Qarabağ"ın futbolçuları gələn ilin yanvarın 3-də bir araya gələcəklər. Komandanın hazırlıq prosesi "Azersun Arena"dakı təlim-məşq bazasında baş tutacaq.
Bakıdakı toplanış çərçivəsində iki yoxlama oyunu keçiriləcək. Komanda yanvarın 9-da "Kəpəz", üç gün sonra "Zirə" ilə üz-üzə gələcək.
Qeyd edək ki, mövsümün ikinci yarısı yanvarın 17-19-da keçiriləcək XIX turun matçları ilə başlayacaq.
