Dünya çempionatında sensasiya: Ərəblər Argentinaya şok yaşatdı - Foto-Video

Qətərdə təşkil olunan DÇ-2022 davam edir.

Supersport.Az xəbər verir ki, mundialın 3-cü günündə 4 matç keçiriləcək.

C qrupunda Argentina Səudiyyə Ərəbistanı ilə qarşılaşıb. "Lusail" stadionundakı görüş Bakı vaxtı ilə saat 14:00-da başlayıb.

Səudiyyə Ərəbistanı yığması hesabda geri düşsə də, sonradan 2 qol vuraraq qalib gəlib.








Cənubi amerikalılar 36 oyun idi ki, məğlub olmurdu.

Onlar sonuncu dəfə 2019-cu ildə Braziliyaya 0:2 uduzmuşdu.











Eyni qrupda 20:00-da "Stadium 974"də başlayacaq matçda Meksika Polşa ilə qarşılaşacaq.

"Edukeyşn Siti" stadionunda Danimarka və Tunis (D qrupu) üz-üzə gəlib. Oyun qolsuz bitib.

Günün son oyunu D qrupunda son dünya çempionu Fransa və Avstraliya arasında olacaq. "Əl-Cənub" arenada keçiriləcək və saat 23:00-da start götürəcək.

DÇ-2022 noyabrın 20-də start götürüb və dekabrın 18-də yekunlaşacaq.

Dünya çempionatı

22 noyabr

C qrupu

14:00. Argentina - Səudiyyə Ərəbistanı - 1:2

Qollar: Messi, 10 (1:0), El Şehri, 49 (1:1), Davsari, 54 (1:2)

Baş hakim: Slavko Vinçiç (Sloveniya)

"Lusail" stadionu

20:00. Meksika - Polşa

Baş hakim: Kris Bit (Avstraliya)

"Stadion 974"

D qrupu

17:00. Danimarka - Tunis 0-0

Baş hakim: Sesar Arturo Ramos

"Edyukeyşn Siti" stadionu

23:00. Fransa - Avstraliya

Baş hakim: Viktor Qomes (Cənubi Afrika Respublikası)

"Əl-Cənub" stadionu