Qurban Qurbanov zəif cəhətləri qabartdı

Qurban Qurbanov zəif cəhətləri qabartdı
Futbol
26 Yanvar 2020 - 21:17


"Bir gündə iki oyun keçirdik. Məğlubiyyətə baxmayaraq, komandadan razı qaldım. Bütün futbolçular demək olar, 90 dəqiqə meydanda oldular. Hər iki komanda bizim üçün çox yaxşı rəqib oldu. Yaxşı pressinq edib, mübarizə aparırdılar. Bu amillər toplantının sonlarında çox vacib idi".

Supersport.Az xəbər verir ki, "Qarabağ"ın baş məşqçisi Qurban Qurbanov Türkiyədəki təlim-məşq toplanışı çərçivəsində Çexiyanın "Siqma" (1:3) və Polşanın "Visla" (2:3) klublarına qarşı keçirdikləri yoxlama oyunlarını şərh edərkən klubun saytına belə deyib.
"Görüşlərdən və futbolçuların oyunlara yanaşmasından razı qaldım. Bundan əlavə, hazırlığımız pis keçmədi. Düzdür, son bir neçə gündə yorğunluq var idi. Futbolçularda daha çox psixoloji problem hiss edilirdi. Hər bir futbolçu ən yaxşısını etməyə çalışdı. Hazırlıqdan razı qaldım. Hələ tam istədiyimiz formada deyilik. Düşünürəm ki, Bakıda bunun davamını mütləq gətirəcəyik. Çempionata daha da yaxşı hazırlaşmaq üçün bir həftəyə yaxın vaxtımız var. Bu imkandan çalışıb, maksimum istifadə edəcəyik" - deyə, mütəxəssis bildirib.


Digər xəbərlər