"BAKI" "KƏPƏZ"Ə QARŞI

Türkiyə toplanışını başa vuraraq vətənə dönən "Kəpəz" bir günlük istirahətin ardından məşqlərə start verib. Komanda Avropa Liqasının I təsnifat mərhələsində keçiriləcək "Kəpəz" - "Daçiya" oyununa hazırlığı Bakıda davam etdirir.

Ölkə paytaxtında taktiki-texniki çalışmalara diqqət ayıran "sarı-göylər" bu gün yoxlama matçı keçirəcək. "Kəpəz"in rəqibi "Bakı" klubu olacaq. Birinci divizion təmsilçisinə məxsus bazada baş tutacaq oyun saat 18:00-da başlayacaq.