İsveç Azərbaycanın futbol yığmasını biabır etdi - Foto

Supersport.Az xəbər verir ki, bu gün UEFA Milətlər Liqasının sonuncu tur oyununda Azərbaycan milli komandası İsveç yığmasının qonağı olub.

Solnada keçirilən matçı Polşadan olan hakimlər briqadası idarə edib.

Beş turdan sonra 1 xalı olan Azərbaycan millisi qrupda sonuncu, İsveç isə 13 xalla birinci idi.

Qrup sonuncusu kimi D Liqasına düşməmək üçün Azərbaycan  yığması bu gün səfərdə İsveçi məğlub etməli idi. Bu halda belə Azərbaycan millisi öz qrupunda sonuncu olacaq (Estoniya şəxsi oyunda bizdən üstün olduğu üçün), amma xalını 4-ə yüksəltməklə ən yaxşı nəticəyə malik iki qrup sonuncusundan biri olacaqdı. Bu isə milli komandaya D liqasına düşməmək üçün həmin liqanın iki qrup ikincisi ilə pley-off matçında iştirak imkanı verəcəkdi.

Lakin İsveç Azərbaycan yığmasını 6:0 hesabıyla biabır edib.

Bununla Azərbaycanın seçmə komandası qrupda 1 xalla ən zəif yığmaların olduğu D liqasına yuvarlanıb. 

İsveç isə 16 xalla qrupu lider olaraq bitirib.

19 noyabr

23:45 İsveç - Azərbaycan 6:0

Qollar: Deyan Kuluşevski, 10, 57, Viktor Qyökereş, 26, 37, 58, 70

"Strouberri Arena". 

Baş hakim: Paweł Raczkowski

Baş hakimin köməkçiləri: Radosław Siejka, Adam Kupsik

Dördüncü hakim: Wojciech Myc