Şahrudin üç ay sonra məşqə başladı - Foto
Supersport.Az-ın məlumatına görə, üç aylıq fasilədən sonra "Qarabağ"ın qapıçısı Şahruddin Məhəmmədəliyev məşqə start verib.
Qolkiper avqustda klubun hazırlığı zamanı biləyindən zədə almışdı.
Qeyd edək ki, "Qarabağ" yığma komandaların oyunu ilə bağlı az futbolçuyla hazırlaşır. Ağdam klubunun 11 futbolçusu millilərin noyabrda keçiriləcək oyunlarına çağırılıb.
Azərbaycan yığmasının Millətlər Liqasının son iki oyununa "Qarabağ"dan Abbas Hüseynov, Bədavi Hüseynov, Bəhlul Mustafazadə, Aleksey İsayev, Nəriman Axundzadə, Elvin Cəfərquliyev, Toral Bayramov və Musa Qurbanlı dəvət alıb.
Marko Yankoviç Monteneqro yığmasının Millətlər Liqasındakı görüşlərinə çağırılıb. Yassin Benzia Əlcəzair, Patrik Andrade Kabo-Verde komandası ilə Afrika Millətlər Kubokunun seçmə oyunlarına dəvət olunub.
