Vüqar Nadirov baş məşqçilikdən getdi

Supersport.Az-ın məlumatına görə, Azərbaycanın ikinci liqasında yarışan "Hypers Guba" futbol klubu baş məşqçi Vüqar Nadirovla yolların ayrıldığı haqda xəbər yayıb.

"Bu gün Hypers Guba ailəsi üçün çətin bir qərarı sizinlə bölüşürük. Baş məşqçimiz Vüqar Nadirov klubdan ayrılmışdır. Vüqar Nadirovun komandamıza baş məşqçilik etdiyi müddət ərzində göstərdiyi əzmkarlıq, öz təcrübəsi və futbol sevgisi üçün ona dərin minnətdarlığımızı bildiririk. Onunla keçirdiyimiz hər an bizim üçün çox dəyərlidir və bu yolda onunla çalışmaq qürurverici idi.

Vüqar müəllimə gələcək fəaliyyətində uğurlar arzulayırıq. "Hypers Guba" üçün gördüyü işlər daim yüksək qiymətləndiriləcək və qəlbimizdə xüsusi bir yer tutacaq.

Uğurlar, Vüqar müəllim!"