AFFA, PFL nümayəndələri Qarabağda – Kubokun finalı Xankəndində keçirilə bilər

Dərc etdi: SupersportTarix Oktyabr 21, 2023 , 01:25 Kateqoriya: Eksklüziv, FutbolRəy yoxdur

Oxunma sayı: 532

2023/2024-cü il mövsümünün Azərbaycan Kubokunun final oyunu Xankəndində keçirilə bilər.

Supersport.Az-ın əldə etdiyi məlumata görə, dünən Gənclər və İdman Nazirliyi, AFFA və PFL nümayəndələri Xankəndi şəhər stadionuna baxış keçiriblər. İdman qurğusunun durumu yaxşı olsa, kubokun final oyununun orada keçirilməsinə qərar veriləcək. Xankəndi stadionunda AFFA-nın İcraiyyə Komitəsinin üzvü İsgəndər Cavadov, futbol veteranı Rüstəm Rəhimov, hakim-inspektor Rövşən Əhmədov, PFL-in rəsmisi Məlik Həsənov, Media və Marketinq direktoru Sənan Abdullayev və başqa şəxslər olublar.

Azərbaycan Kubokunun final matçının 2 iyun tarixində oynanılması nəzərdə tutulur.

Qeyd edək ki, Xankəndi stadionunun inşasına 1955-ci ildə başlanıb və 1 il sonra istifadəyə verilib. Arena ilk dəfə İosif Stalinin adını daşısa da, sonradan “Stepanakert stadionu” adlandırılıb. 1991-ci ildən şəhərin tarixi adı qaytarıldıqdan sonra “Xankəndi şəhər stadionu” adına qayıdılıb. Ordumuz Xankəndini də erməni işğalından azad edib. Xankəndinin stadionu süni örtüklüdür və tutumu 15 minlikdir.

Supersport

Supersport.Az portalı 2009-cu ildə təsis olunub. Yarandığı gündən sayt ölkəmizin idman həyatını, həmçinin idmançılarımızın mötəbər yarışlarda uğurlu çıxışını yüksək səviyyədə təqdim edib. Supersport.Az Mətbuat Şurasının üzvüdür. Saytımızın fəaliyyətinin məntiqi nəticəsi olaraq həm respublikamızın, həm də xarici ölkələrin mətbuat orqanları portalımızın məlumatları və videogörüntülərindən faydalanıb. Supersport.Az-ın internet (youtube) kanalının hazırda 43 min 500-dən çox abunəçisi var və 9 milyon 600 mindən artıq baxış olub. Türkiyə, İngiltərə, Rusiya, Fransa və digər ölkələrin mediası saytımızın videogörüntülərindən istifadə edib. Ölkəmizə faydalı olması üçün hətta videoçəkilişlərimiz UEFA-ya da göndərilib. Supersport.Az-ın Avropa təmsilçisi, fotomüxbiri Vüsal Şirəliyev Çempionlar Liqasının "Mançester Siti" – "İnter", Konfrans Liqasının "Roma" – "Feyenoord" final matçlarını və çox sayda digər beynəlxalq oyunları işıqlandırıb. Supersport.Az yaxın gələcəkdə böyük planlar həyata keçirməyə, daha böyük uğurlar əldə etməyə çalışacaq.