Supersport.Az-ın məlumatına görə, Avropa Liqasının qrupunda “Qarabağ”ın rəqiblərindən biri “Bayer” Almaniya Bundesliqasının üçüncü turunda “Darmştadt 98” klubuna futbol dərsi keçib. Leverkuzen komandası 5:1 hesablı qələbə qazanıb. “BayArena”da keçirilən oyunu 29 min 653 tamaşaçı izləyib.
“Bayer” üç oyundan maksimum 9 xal toplamaqla liderliyə yüksəlib. Leverkuzen təmsilçisi 11 qol vurub, 3-nü buraxıb. Almaniyanın son çempionu “Bayern” 9 xal toplasa da, top fərqində geri qaldığı üçün ikincidir. Münxen klubu 9 qol vurub, 2-ni buraxıb. “Ştutqart” 6 xalla üçüncüdür.
“Darmştadt 98” 0-la 18 klub sırasında sonuncudur.
“Bayer 04” – “Darmştadt 98” 5:1
Qollar: 1-0 Viktor Bonifase (21′), 1-1 Oskar Vilhelmsson (25′), 2-1 Esekiel Palasios (49′), 3-1 Viktor Bonifase (61′), 4-1 Yonas Hofmann (68′), 5-1 Adam Qlojek (83′)
“Bayer 04″ün heyəti: Hradecky – Kossounou, Tah (Stanisic 72′), Tapsoba – Frimpong (Tella 72′), Xhaka (Hlozek 80′), Palacios (Andrich 65′), Grimaldo – Hofmann, Wirtz (Mbamba 80′), Boniface
