Romelu Lukakunun gələcəyi naməlum olaraq qalır.
Supersport.Az xəbər verir ki, belçikalı hücumçu nə “Çelsi”yə, nə də “İnter”ə lazım deyil, “Yuventus”la danışıqlar dondurulub, Lukaku isə hələlik Səudiyyə Ərəbistanına getmək istəmir.
Hücumçunun agentləri futbolçunun karyerasını davam etdirməsi üçün variant tapıblar – bu, Harri Keyni “Bayern”ə satdıqdan sonra yeni hücumçuya ehtiyacı olan “Tottenhem”dir. Lukakunun agentləri artıq “Spurs” nümayəndələri ilə əlaqə saxlayıb.
“Tottenhem” Lukakunun tərcümeyi-halında beşinci Premyer Liqa klubu ola bilər. O, əvvəllər “Chelsea”, “Manchester United”, “Everton” və “VBA”da oynayıb.
