İtaliya yığmasının uğurlu baş məşqçisi Mançini istefa verdi

Dərc etdi: SupersportTarix Avqust 13, 2023 , 17:05 Kateqoriya: FutbolRəy yoxdur

Oxunma sayı: 155

Supersport.Az xəbər verir ki, İtaliya Futbol Federasiyası öz rəsmi saytında Roberto Mançininin milli komandanın baş məşqçisi vəzifəsindən istefa verdiyini açıqlayıb. Bildirilib ki, mütəxəssis özü bu qərarı verib, onun xahişi təmin edilib.

İtaliyanın Avro-2024-ün seçmə mərhələsində Şimali Makedoniya (9 sentyabr) və Ukrayna (12 sentyabr) ilə keçirəcəyi oyunu nəzərə alaraq, futbol federasiyası yaxın günlərdə yeni baş məşqçinin adını açıqlayacaq.

Avro-2024 10 ay sonra başlayacaq. Seçmə mərhələdə İtaliya iki oyundan 3 xalla C qrupunda orta 3-cü yerdə qərarlaşıb. Yuxarıda İngiltərə (4 oyunda 12 xal) və Ukrayna (3 oyunda 6 xal) qərarlaşıb.

Mançini 2018-ci ilin mayında İtaliya millisini çalışdırıb. Onun rəhbərliyi altında komanda Avro 2020-nin qalibi və iki dəfə UEFA Millətlər Liqasının bürünc mükafatçısı olub.

Supersport

Supersport.Az portalı 2009-cu ildə təsis olunub. Yarandığı gündən sayt ölkəmizin idman həyatını, həmçinin idmançılarımızın mötəbər yarışlarda uğurlu çıxışını yüksək səviyyədə təqdim edib. Supersport.Az Mətbuat Şurasının üzvüdür. Saytımızın fəaliyyətinin məntiqi nəticəsi olaraq həm respublikamızın, həm də xarici ölkələrin mətbuat orqanları portalımızın məlumatları və videogörüntülərindən faydalanıb. Supersport.Az-ın internet (youtube) kanalının hazırda 43 min 500-dən çox abunəçisi var və 9 milyon 600 mindən artıq baxış olub. Türkiyə, İngiltərə, Rusiya, Fransa və digər ölkələrin mediası saytımızın videogörüntülərindən istifadə edib. Ölkəmizə faydalı olması üçün hətta videoçəkilişlərimiz UEFA-ya da göndərilib. Supersport.Az-ın Avropa təmsilçisi, fotomüxbiri Vüsal Şirəliyev Çempionlar Liqasının "Mançester Siti" – "İnter", Konfrans Liqasının "Roma" – "Feyenoord" final matçlarını və çox sayda digər beynəlxalq oyunları işıqlandırıb. Supersport.Az yaxın gələcəkdə böyük planlar həyata keçirməyə, daha böyük uğurlar əldə etməyə çalışacaq.