İtaliya yığması 53 il sonra yenidən çempion - Şəkil
Futbol, Foto
12 İyul 2021 - 01:54
Bu gecə Avro-2020-nin qalibi müəyyənləşib.
Supersport.Az xəbər verir ki, final matçında İtaliya və İngiltərə milliləri üz-üzə gəlib.
İngiltərə tarixində ilk dəfə final görüşünə çıxıb, italyanlar 4-cü finalında 2-ci kubokunu qazanmağa çalışıb. Oyunun əsas və əlavə vaxtı 1:1 hesabıyla başa çatıb. Qalibi müəyyənləşdirmək üçün penaltilər seriyasında italyanlar 3:2 hesablı qələbə qazanıb. İtaliya yığması 53 il sonra yenidən çempion olub.
Xatırladaq ki, Avro-2020 Bakı da daxil olmaqla Avropanın 11 şəhərində keçirilib.
11 iyul
Avro-2020
Final
23:00. İtaliya – İngiltərə 1-1 (Penaltilər seriyası 3-2)
Qollar: Bonuççi 67 - Şou 2
Baş hakim: Byörn Kuypers (Niderland)
London. “Uembli” stadionu