“Qarabağ” güclü olsa da, daha yaxşı oynayacağıq” - Video
Futbol, Video
21 Avqust 2020 - 02:43
"Şerif"in baş məşqçisi Zoran Zekiç Çempionlar Liqasının 1-ci təsnifat mərhələsində "Fola Eş" üzərində 2:0 hesablı qələbədən sonra fikirlərini bildirib.
https://m.youtube.com/watch?ebc=ANyPxKpR5pJFzNepCZtSaubggH7zg_5eadmvJZ_oBJaIFPuHCuv7sMpVvIuvombgmJqJE5RsL9RbT-MPQq8vDSVhE_RFShIlIg&feature=emb_title&time_continue=44&v=5K5Os7HfW2Q
Supersport.Az klubun saytına istinadən xəbər verir ki, komandasını qələbə münasibətilə təbrik edən xorvat mütəxəssis növbəti mərhələdə qarşılaşacaqları "Qarabağ" haqda da danışıb:
"Komandanı qələbə münasibəti ilə təbrik edirəm. Bilirəm ki, çətin idi. Qarşıdakı oyunda nəyəsə nail olmaq istəyiriksə, həm müdafiədə, həm də hücumda daha yaxşı oynamalıyıq. 1-ci turda qalib gəlməyim mənim üçün vacib idi və ümid edirəm ki, Bakıda daha yaxşı oynayacağıq".
O, Ağdam klubunun "Foul Eş"dən daha güclü olduğunu söyləyib:
"Ümid edirəm ki, ötən mövsüm olduğu kimi səfərdə də daha yaxşı oynayacağıq. İlk oyunu təhlil etməli və növbəti oyuna hazırlaşmalıyıq. Bakıda bizi güclü rəqib gözləyir. Cütün taleyi 1 matçda həll olunacaq. "Qarabağ"la görüşdən əvvəl çox az vaxtımız var. Belə bir rəqibə qarşı ciddi oyun nümayiş etdirməliyik".
Qeyd edək ki, avqustun 26-da Tofiq Bəhramov adına Respublika stadionunda keçiriləcək "Qarabağ" - "Şerif" oyunu saat 20:00-da başlanacaq.
