Ronaldodan koronavirusla bağlı məsləhət

İtaliyadan Portuqaliyaya gedən "Yuventus"un futbolçusu Kriştiano Ronaldo koronavirusla bağlı açıqlamasıyla gündəmə gəlib.

Ölkəsində karantində olan ulduz oyunçu, məsləhət verib:

"Dünya hamımızın diqqət və qayğısını çəkir. Bu gün sizinlə bir futbolçu deyil, bir ata, insan kimi danışıram. İnsan həyatı hər şeydən üstündür. Hər kəs Dünya Səhiyyə Təşkilatının və idarəetmə orqanlarının tövsiyələrini yerinə yetirməlidir.

İnsan həyatı ilk növbədə gəlir. Komanda yoldaşım Ruqani ilə birlikdə bu virusla mübarizə aparan və həyatlarını təhlükəyə ataraq savaşan tibb işçilərini dəstəkləyirəm".