"Qarabağ"ın İspaniya planı
Futbol, Eksklüziv
26 Noyabr 2019 - 00:01
Supersport.Az-a Avropa Liqasının qrup mərhələsinin 5-ci turunda "Sevilya"nın qonağı olacaq "Qarabağ"ın İspaniya planı məlum olub.
Azərbaycanın yeddiqat çempionu bu gün - noyabrın 26-da çarter reysilə səfərə yollanacaq.
Supersport.Az-a bu haqda Ağdam komandasının mətbuat xidməti rəhbəri Nurlan İbrahimov məlumat verib.
"Qarabağ"ı Sevilyaya aparacaq təyyarənin saat 16:00-da havaya qalxması nəzərdə tutulub.
Azərbaycan klubunun 7 saat müddətinə İspaniyaya çatacağı gözlənilir.
Noyabrın 27-də yerli vaxtla 18:40-da (Bakı saatıyla 21:40-da) "Qarabağ"ın baş məşqçisi Qurban Qurbanov mətbuat nümayəndələrinin suallarını cavablandıracaq. Bundan 20 dəqiqə sonra Bakı zamanıyla 22:00-da komandamız oyuna son hazırlığını keçirəcək. Məşqin ilk 15 dəqiqəsi media və azarkeşlərə açıq olacaq.
"Sevilya" - "Qarabağ" qarşılaşması noybarın 28-dən 29-na keçən gecə Bakı vaxtıyla 00:00-da 45 min yerlik "Ramon Sançes Pisxuan" stadionunda başlayacaq.
Süleyman Kərimov
