"Qarabağ" çox ciddi komandadır, məqsədinə çata bilər" - Asmir Beqoviç
Futbol
04 Sentyabr 2019 - 15:10
Supersport.Az xəbər verir ki, "Qarabağ"ın yeni transferi Asmir Beqoviç keçidi haqda açıqlama verib.
Bosniyalı qapıçı uğurlar qazanacağına inanır:
"Hər şey tez başa verdi. Seçim etmək üçün o qədər də çox vaxtım yox idi. Azərbaycanı və "Qarabağ"ı yaxşı tanıyan insanlarla danışdım. Meydana çıxmaq istəyirəm. Bu baxımdan "Qarabağ" mənimçün ən yaxşı seçim idi. Bu komanda ənənələrinə sadiq, yerli çempionatda daim mübarizə aparan klubdur. Həmçinin, onlar beynəlxalq arenada da özlərini yaxşı tərəfdən göstərirlər. Bu mövsüm Avropa Liqasının qrup mərhələsində oynayacaqlar, seçimimin başqa bir səbəbi də budur. Yanvara qədər mən vacib matçlarda meydana çıxacam və bu xeyrimə olacaq.
"Qarabağ" çox ciddi komandadır, Bakı yüksək mədəniyyətə sahib inkişaf etmiş, gözəl şəhərdir. Mənə elə gəlir ki, komandam haqqında ümumi olaraq çox şey bilirəm. "Qarabağ"ın Avropa Liqasında keçirdiyi oyunlara baxdım. Əsas odur ki, yaxşı komandada oynayacağımı dərk edirəm. Sentyabrın 5-dən "Qarabağ"a qoşulacam".
Təcrübəli qolkiper, "Qarabağ"ın Avropa Liqasının qrup mərhələsindəki şanslarını da dəyərləndirib:
"Onların "Linfild"lə matçlarını izlədim. Çətin oyun olsa da, qrup mərhələsinə vəsiqə qazana bildilər. Düşdükləri qrup elə də asan deyil. "Sevilya" haqqında danışmağa ehtiyac yoxdur, onların gücü hamıya bəllidir. "Apoel" Çempionlar Liqasının pley-offunda "Ayaks"a əziyyət verə bilmişdi. Və daha az təcrübəyə malik olan "Düdelanj". Bununla belə düşünürəm ki, "Qarabağ" bütün rəqiblərinin öhdəsindən gələ bilər".
Milli komandadakı durumu haqqında danışan Beqoviç, "Qarabağ"da keçirəcəyi oyunların yığmadakı yerinə təsir edəcəyini bildirib:
"Mən həmişə milli komandaya kömək etməyə hazıram. Heç vaxt yığmadan əlimi üzmərəm. Əgər "Qarabağ"da müntəzəm olaraq meydana çıxsam və baxımlı oyun sərgiləsəm, ola bilsin ki, bu, yığmadakı mövqeyimə təsir etdi. Bu barədə milli komanda ilə söhbətimiz olmayıb. Bununla belə, mənə ehtiyac duyulduğu təqdirdə, onların yanında olmağa hazıram".
Qeyd edək ki, "Qarabağ" Asmir Beqoviçi İngiltərə Premyer Liqa təmsilçisi olan "Bornmut"dan 4 aylıq icarəyə götürüb.
Bosniyalı qapıçı uğurlar qazanacağına inanır:
"Hər şey tez başa verdi. Seçim etmək üçün o qədər də çox vaxtım yox idi. Azərbaycanı və "Qarabağ"ı yaxşı tanıyan insanlarla danışdım. Meydana çıxmaq istəyirəm. Bu baxımdan "Qarabağ" mənimçün ən yaxşı seçim idi. Bu komanda ənənələrinə sadiq, yerli çempionatda daim mübarizə aparan klubdur. Həmçinin, onlar beynəlxalq arenada da özlərini yaxşı tərəfdən göstərirlər. Bu mövsüm Avropa Liqasının qrup mərhələsində oynayacaqlar, seçimimin başqa bir səbəbi də budur. Yanvara qədər mən vacib matçlarda meydana çıxacam və bu xeyrimə olacaq.
"Qarabağ" çox ciddi komandadır, Bakı yüksək mədəniyyətə sahib inkişaf etmiş, gözəl şəhərdir. Mənə elə gəlir ki, komandam haqqında ümumi olaraq çox şey bilirəm. "Qarabağ"ın Avropa Liqasında keçirdiyi oyunlara baxdım. Əsas odur ki, yaxşı komandada oynayacağımı dərk edirəm. Sentyabrın 5-dən "Qarabağ"a qoşulacam".
Təcrübəli qolkiper, "Qarabağ"ın Avropa Liqasının qrup mərhələsindəki şanslarını da dəyərləndirib:
"Onların "Linfild"lə matçlarını izlədim. Çətin oyun olsa da, qrup mərhələsinə vəsiqə qazana bildilər. Düşdükləri qrup elə də asan deyil. "Sevilya" haqqında danışmağa ehtiyac yoxdur, onların gücü hamıya bəllidir. "Apoel" Çempionlar Liqasının pley-offunda "Ayaks"a əziyyət verə bilmişdi. Və daha az təcrübəyə malik olan "Düdelanj". Bununla belə düşünürəm ki, "Qarabağ" bütün rəqiblərinin öhdəsindən gələ bilər".
Milli komandadakı durumu haqqında danışan Beqoviç, "Qarabağ"da keçirəcəyi oyunların yığmadakı yerinə təsir edəcəyini bildirib:
"Mən həmişə milli komandaya kömək etməyə hazıram. Heç vaxt yığmadan əlimi üzmərəm. Əgər "Qarabağ"da müntəzəm olaraq meydana çıxsam və baxımlı oyun sərgiləsəm, ola bilsin ki, bu, yığmadakı mövqeyimə təsir etdi. Bu barədə milli komanda ilə söhbətimiz olmayıb. Bununla belə, mənə ehtiyac duyulduğu təqdirdə, onların yanında olmağa hazıram".
Qeyd edək ki, "Qarabağ" Asmir Beqoviçi İngiltərə Premyer Liqa təmsilçisi olan "Bornmut"dan 4 aylıq icarəyə götürüb.
