Azərbaycan pəhləvanı dünya çempionu oldu

Azərbaycan pəhləvanı dünya çempionu oldu
Digər, Güləş
31 İyul 2019 - 00:36
Bolqarıstanın paytaxtı Sofiyada yeniyetmə güləşçilər arasında dünya çempionatı davam edir.

Supersport.Az-ın məlumatına görə, mundialın ilk medal günündə Azərbaycan millisinin üzvü fəxri kürsünün ən yüksək pilləsinə qalxıb.

Komandamızın heyətində Cəbrayıl Hacıyev (65 kq) çempion tituluna yiyələnib. O, həlledici qarşılaşmada Avropa Gənclər Yay Olimpiya Festivalının finalında məğlub etdiyi rusiyalı Batirbek Tşxovrebovla üz-üzə gəlib və Bakıdakı ssenari təkrarlanıb. Yenə hesabda geriyə düşən yığman üzvü əzmkar qələbə qazanaraq (6:4) dünya çempionatının qızıl medalına sahib olub.

Millinin digər üzvü Cavid Cavadov (48 kq) isə mükafatın bir addımlığında büdrəyib. Bürünc medal uğrunda hindistanlı Udit Uditlə güləşən idmançı 2:11 hesabı ilə uduzaraq, 5-ci yerlə kifayətlənib.

Murad Haqverdiyev (45 kq) və Fərhad Kərimli (60 kq) də bürünc medal uğrunda mübarizə aparmaq şansı qazanıb. Onlar bu gün müvafiq olaraq, Stefan Şterjov (Makedoniya) - Vladislav Nikandrov (Qırğızıstan) və Genik Asatryan (Ermənistan) - Yoşinosuke Aoyaqi (Yaponiya) cütünün qalibi ilə üz-üzə gələcək.

Digər xəbərlər