Nikola Yurçeviç: "Müdafiədə oturmaq fikrimiz yoxdur"

Nikola Yurçeviç: "Müdafiədə oturmaq fikrimiz yoxdur"
Futbol
07 İyun 2019 - 21:40

Avro-2020-nin seçmə qrup mərhələsi çərçivəsində iyunun 8-də keçiriləcək Azərbaycan - Macarıstan oyunu ərəfəsində millimizin baş məşqçisi Nikola Yurçeviç fikirlərini bildirib.


"Üç həftədən artıqdır ki, hazırlıq keçirik. Sevindirici məqam heyətdə zədəli futbolçunun olmamasıdır. Yeganə problem Almeyda ilə bağlıdır ki, o da sabahkı oyuna tam hazır olacaq. Düzdür, 4 gün sonra Slovakiya ilə qarşılaşacağıq, ancaq indi Macarıstanla oyun haqda düşünürük. Futbolda hər şey mümkündür. Sabahkı oyunla bağlı nikbinəm.



Oyun ərzində qol buraxa bilərik. Təbii ki, bu baş versə, çalışacağıq əvəzini çıxaq. Rəqibimiz yaxşı komandadır. Onlar Xorvatiya millisini məğlub ediblər. Bir neçə futbolçusu Almaniya Bundesliqasında çıxış edir. Biz rəqibə qarşı müdafiə olunmayacağıq. Müdafiə ilə hücum arasında balans yaratmağa çalışacağıq. İstərdim Zaqrebdə Xorvatiyaya qarşı olduğu kimi müdafiə olunaq, ancaq hücumda daha parlaq çıxış edək. Heyəti hələ tam müəyyənləşdirməsəm də, Xorvatiyaya qarşı mübarizə aparan futbolçuların əksəriyyəti meydanda olacaq".

Digər xəbərlər