"Neftçi"nin futbolçusu üçün mövsüm bitdi

Azərbaycan Premyer Liqasının 25-ci turunda "Sabah”la oyunun əvvəllərində zədələnərək əvəzlənən "Neftçi"nin futbolçusu Kirilo Petrovun vəziyyətinə aydınlıq gəlib.

Supersport.Az klubun saytına istinadən xəbər verir ki, tibbi baxışın nəticələrinə görə, ukraynalı müdafiəçi budun arxa qrup əzələlərinin gərilməsi diaqnozu ilə 3 həftə müalicə olunacaq. Bu isə o deməkdir ki, onun üçün bu mövsüm artıq başa çatıb. Beləliklə, Petrov ölkə çempionatında  "Sumqayıt" (27 aprel), "Qəbələ" (5 may) və "Qarabağ"la (11 may) görüşləri buraxacaq.