Pedro Enrikenin qiyməti düşdü, Riçard Almeydanınkı dəyişmədi

Supersport.Az-ın məlumatına görə, Almaniyanın "Transfermarkt" portalı Qazaxıstan Premyer Liqasının ən dəyərli futbolçularının siyahısını elan edib. Bu sırada "Qarabağ"ın keçmiş oyunçularından Pedro Enrikeylə Riçard Almeyda da yer alıb.   



İlk dörd sırada çempion "Astana"nın futbolçularıdır. Marin Tomasov 3 milyon avroyla birincidir. "Astana"nnın 31 yaşlı xorvat yarımmüdafiəçisi bütün yarışlarda ümumilikdə 40 oyunda iştirak edib, 17 qol vurub, 17 effekti ötürmə verib. Qiyməti 3 milyondan 2.8 milyona düşən Pedro Enrike ikincidir. Sonrakı iki pillədə 2.5 milyon dəyəri olan Dmitri Şomkoyla Roman Murtazayevdir. 

Almeyda 1.5 milyonla 9-cudur.

"Top-10"da yer alan futbolçular: 



1. Marin Tomasov ("Astana", 3 milyon avro)

2. Pedro Enrike ("Astana", 2.8 milyon)

3. Dmitri Şomko ("Astana", 2.5 milyon)

4. Roman Murtazayev ("Astana", 2.5 milyon) 

5. Baurjan İslamxan ("Kayrat", 2.3 milyon)

6. Aleksey Şetkin ("Astana", 2 milyon)

7. İslambek Kuat ("Kayrat", 1.8 milyon)

8. Aderinsola Eseola ("Kayrat", 1.7 milyon)

9. Riçard Almeyda ("Astana", 1.5 milyon)

10. Laslo Klyaynasler ("Astana", 1.5 milyon)