"Qarabağ"ın qolkiperi avtomobillə piyadanı vurub
Futbol
19 Oktyabr 2018 - 19:43
Supersport.Az-ın məlumatına görə, dünən axşam saatlarında "Qarabağ"ın qapıçısı Hannes Tor Halldorsson evinə yollanarkən, yol nəqliyyat hadisəsi baş verib.
Qolkiper idarə etdiyi avtomobillə piyadalar üçün nəzərdə tutulmayan yerdən yolu keçməyə çalışan 1955-ci il təvəllüdlü Namiq Əbdüləzim oğlu Eyvazovu vurub. Halldorsson yaralıya ilkin tibbi yardım göstərərək xəstəxanaya çatdırıb və bu barədə hüquq mühafizə orqanlarına məlumat verib. Hüquq mühafizə orqanları tərəfindən müvafiq prosedurlar tamamlandıqdan sonra qapıçımız evinə yollanıb. Yaralı ciddi xəsarət almayıb, sadəcə sağ diz qapağında sürüşmə olub, həkimlər anında müdaxilə eləyib və yaxın günlərdə evinə buraxılacağı gözlənilir.
"Qarabağ" Futbol Klubu yaşanmış hadisədən təəssüf hissi keçirib və zərərçəkmişin tezliklə sağalmasını diləyib.
Qolkiper idarə etdiyi avtomobillə piyadalar üçün nəzərdə tutulmayan yerdən yolu keçməyə çalışan 1955-ci il təvəllüdlü Namiq Əbdüləzim oğlu Eyvazovu vurub. Halldorsson yaralıya ilkin tibbi yardım göstərərək xəstəxanaya çatdırıb və bu barədə hüquq mühafizə orqanlarına məlumat verib. Hüquq mühafizə orqanları tərəfindən müvafiq prosedurlar tamamlandıqdan sonra qapıçımız evinə yollanıb. Yaralı ciddi xəsarət almayıb, sadəcə sağ diz qapağında sürüşmə olub, həkimlər anında müdaxilə eləyib və yaxın günlərdə evinə buraxılacağı gözlənilir.
"Qarabağ" Futbol Klubu yaşanmış hadisədən təəssüf hissi keçirib və zərərçəkmişin tezliklə sağalmasını diləyib.
