Qurban Qurbanov: “İnanmıram ki, bu təxribatdır” - Video
Futbol, Video
19 Sentyabr 2018 - 23:07
“Qarabağ"ın baş məşqçisi Qurban Qurbanov Avropa Liqasının qrup mərhələsinin ilk turunda "Sportinq"lə səfər oyunu öncəsi mətbuat konfransı keçirib.
Supersport.Az-ın məlumatına görə, o, əvvəlcə matç barədə fikirlərini bildirib.
- Qrup mərhələsində ilk oyunumuza çıxacağıq və ciddi rəqiblə qarşılaşacağıq. Heyətimizdə problem olsa da, oyuna yaxşı hazırlaşmışıq, rəqibi təhlil etmişik. İnanıram ki, hər iki komanda baxımlı futbol nümayiş etdirəcək.
- Sabahkı oyundan gözləntiləriniz nədir?
- Üstünlük rəqib tərəfdədir. Çünki öz meydanlarında oynayırlar və burada çox aktiv olurlar. Buna baxmayaraq, bizim üçün çətin olsa da, rəqibi yaxından tanımışıq. Futbolçularıma güvənirəm və onların ən yaxşı oyunlarını ortaya qoyacağına inanıram.
- Heyətlə bağlı probleminiz var. Zədəli futbolçuların son durumu necədir?
- Qərar verilib: Rəşad meydanda olmayacaq. Miçelin tam durumuna sabah aydınlıq gələcək. Meydanda olub-olmayacağı sabah müəyyənləşəcək.
- Belə görünür ki, rəqib komanda “Qarabağ” haqqında kifayət qədər məlumatlı deyil. Bu, komanda üçün hansı üstünlük ola bilər?
- Düşünmürəm ki, məlumatları yoxdur. Əlbəttə ki, belə hallar olmalı deyil, hər bir klub hansı komanda ilə oynadığını bilməlidir. Məşqçilərinin açıqlamasından da görünür ki, bizi yaxından izləyiblər, oyun üslubumuzu bilirlər. Belə böyük komandalar üçün hansısa klub haqqında məlumat toplamaq çətin deyil. Düşünürəm ki, bizi yaxından təhlil ediblər.
- Siz eyni zamanda da milli komandanın baş məşqçisi vəzifəsini yerinə yetirirsiniz və yaxınlarda rəsmi oyununuz olub. “Sportinq”i təhlil etməyə vaxtınız olub?
- Bəli, çətindir. Bu sual mənə dəfələrlə verilib və çətin olduğunu demişəm. Maksimum çalışıram ki, həm millidə, həm də “Qarabağ” rəqibi yaxşı analiz edib. Ümümiyyətlə, işimdən zövq alıram.
- “Sportinq”in əsas hücumçusu Bas Dost oynamayacaq. Buna görə rahat yata bilərsiniz?
- Əfsuslar olsun ki, “Sportinq” bir oyunçudan ibarət deyil. Biz işimizə görə hər zaman rahat yatırıq. Düşünürəm ki, uzunboy hücumçunun olmaması müdafiəçilərimizin işini asanlaşdıracaq.
- “Sportinq”in keçmiş futbolçusu, hazırda “Qarabağ”da forma geyinən Simoen Slavçevdən hansı məlumatları toplamısınız?
- Çox istərdim ki, Slavçev sabahkı oyunda forma geyinsin. Əfsuslar olsun ki, o, zədədən əziyyət çəkir. Mən futbolçulardan məlumat toplamağa üstünlük vermirəm. Bundan başqa o, uzun müddətdir “Sportinq”dən ayrılıb və səhv məlumat verə bilərdi.
- "Qarabağ" Azərbaycanın işğal olunmuş ərazilərini təmsil edir. Bu komandanın Avropa arenalarında mübarizə aparması nə dərəcədə üstünlükdür?
- 10 ildir bu komandadayam və həmişə məsuliyyətli olmağa çalışıram. "Qarabağ" adının nə olduğunu, bu ərazilərin başına nə gəldiyini çoxları bilir. "Qarabağ"ın Avropada oynaması böyük üstünlükdür. Məmnunan ki, bu komandadayam və Qarabağ adını tanıtmaq üçün əlimizə fürsət düşüb. Hansı ölkədə olmuşuqsa, Qarabağ haqqında məlumat vermişik və çoxları torpaqların Azərbaycana məxsus olması barədə məlumata sahib olub.
- Bəzi mənbələr "Qarabağ"ı Ukrayna klubu kimi qələmə verib. Bunun təxribat olduğunu düşünmürsünüz?
- İnanmıram ki, təxribatdır. Heç inanmaq istəmərəm. Düşünürəm ki, bu, texniki səhvdir.
Supersport.Az-ın məlumatına görə, o, əvvəlcə matç barədə fikirlərini bildirib.
- Qrup mərhələsində ilk oyunumuza çıxacağıq və ciddi rəqiblə qarşılaşacağıq. Heyətimizdə problem olsa da, oyuna yaxşı hazırlaşmışıq, rəqibi təhlil etmişik. İnanıram ki, hər iki komanda baxımlı futbol nümayiş etdirəcək.
- Sabahkı oyundan gözləntiləriniz nədir?
- Üstünlük rəqib tərəfdədir. Çünki öz meydanlarında oynayırlar və burada çox aktiv olurlar. Buna baxmayaraq, bizim üçün çətin olsa da, rəqibi yaxından tanımışıq. Futbolçularıma güvənirəm və onların ən yaxşı oyunlarını ortaya qoyacağına inanıram.
- Heyətlə bağlı probleminiz var. Zədəli futbolçuların son durumu necədir?
- Qərar verilib: Rəşad meydanda olmayacaq. Miçelin tam durumuna sabah aydınlıq gələcək. Meydanda olub-olmayacağı sabah müəyyənləşəcək.
- Belə görünür ki, rəqib komanda “Qarabağ” haqqında kifayət qədər məlumatlı deyil. Bu, komanda üçün hansı üstünlük ola bilər?
- Düşünmürəm ki, məlumatları yoxdur. Əlbəttə ki, belə hallar olmalı deyil, hər bir klub hansı komanda ilə oynadığını bilməlidir. Məşqçilərinin açıqlamasından da görünür ki, bizi yaxından izləyiblər, oyun üslubumuzu bilirlər. Belə böyük komandalar üçün hansısa klub haqqında məlumat toplamaq çətin deyil. Düşünürəm ki, bizi yaxından təhlil ediblər.
- Siz eyni zamanda da milli komandanın baş məşqçisi vəzifəsini yerinə yetirirsiniz və yaxınlarda rəsmi oyununuz olub. “Sportinq”i təhlil etməyə vaxtınız olub?
- Bəli, çətindir. Bu sual mənə dəfələrlə verilib və çətin olduğunu demişəm. Maksimum çalışıram ki, həm millidə, həm də “Qarabağ” rəqibi yaxşı analiz edib. Ümümiyyətlə, işimdən zövq alıram.
- “Sportinq”in əsas hücumçusu Bas Dost oynamayacaq. Buna görə rahat yata bilərsiniz?
- Əfsuslar olsun ki, “Sportinq” bir oyunçudan ibarət deyil. Biz işimizə görə hər zaman rahat yatırıq. Düşünürəm ki, uzunboy hücumçunun olmaması müdafiəçilərimizin işini asanlaşdıracaq.
- “Sportinq”in keçmiş futbolçusu, hazırda “Qarabağ”da forma geyinən Simoen Slavçevdən hansı məlumatları toplamısınız?
- Çox istərdim ki, Slavçev sabahkı oyunda forma geyinsin. Əfsuslar olsun ki, o, zədədən əziyyət çəkir. Mən futbolçulardan məlumat toplamağa üstünlük vermirəm. Bundan başqa o, uzun müddətdir “Sportinq”dən ayrılıb və səhv məlumat verə bilərdi.
- "Qarabağ" Azərbaycanın işğal olunmuş ərazilərini təmsil edir. Bu komandanın Avropa arenalarında mübarizə aparması nə dərəcədə üstünlükdür?
- 10 ildir bu komandadayam və həmişə məsuliyyətli olmağa çalışıram. "Qarabağ" adının nə olduğunu, bu ərazilərin başına nə gəldiyini çoxları bilir. "Qarabağ"ın Avropada oynaması böyük üstünlükdür. Məmnunan ki, bu komandadayam və Qarabağ adını tanıtmaq üçün əlimizə fürsət düşüb. Hansı ölkədə olmuşuqsa, Qarabağ haqqında məlumat vermişik və çoxları torpaqların Azərbaycana məxsus olması barədə məlumata sahib olub.
- Bəzi mənbələr "Qarabağ"ı Ukrayna klubu kimi qələmə verib. Bunun təxribat olduğunu düşünmürsünüz?
- İnanmıram ki, təxribatdır. Heç inanmaq istəmərəm. Düşünürəm ki, bu, texniki səhvdir.
