"Neftçi" italiyalı mütəxəssis gətirir

"Neftçi" baş məşqçi axtarışlarını davam etdirir.

Supersport.Az-ın məlumatına görə, əcnəbi mütəxəssis axtaran "ağ-qaralar" italiyalı Roberto Bordinə təklif göndərib. 53 yaşlı məşqçiylə danışıqlar tamamlanmaq üzrədir. "Neftçi" Bordinlə 2 illik müqavilə imzalayacaq. Bu haqda İtaliya mətbuat xəbər yayıb.

Qeyd edək ki, son olaraq "Şerif"i çalışdıran Bordinin rəhbərliyi altında Moldova klubu ötən mövsüm Çempionlar Liqasının III təsnifat mərhələsində "Qarabağ"la qarşılaşıb və iki oyunun nəticəsinə görə, mübarizəni dayandırmışdı.