Qvardiolanın komandasından 9 rekord
Futbol, Foto
14 May 2018 - 21:29
Supersport.Az-ın məlumatına görə, İngiltərə çempionatının son turunda "Mançester Siti" "Sauthempton"u bir qolla məğlub edərək, mövsümü rekordlarla başa vurub.
1. Ən çox qələbə - 38 matçda 32 qələbə
2. Xal - 100 (əvvəlki rekord 95 xalla "Çelsi"yə məxsus idi)
3. Ardıcıl ən çox qazanılan qələbə - 18 dəfə
4. Səfərdə ən çox qalib komanda - 16 dəfə
5. Ən məhsuldar klub - 106 qol
6. Bir mövsümdə ən çox top fərqi - +79
7. Səfərdə ən çox - 50 xal
8. Çempionun ikinci yerlə xal fərqi - 19 xal
9. Ən az geridə oynayan komanda - 153 dəqiqə
"Mançester Siti" 38 oyunda 32 qələbə qazanıb, 4 heç-heçə edib, 2 matçda məğlub olaraq 100 xal toplamağı bacarıb. Premyer Liqada ilk dəfə ən çox xal qazanılıb. Bundan əvvəl "Çelsi" 2004-05 mövsümündə 95 xal toplamışdı.
"Mançester Siti" ardıcıl 18 oyunda qalib gəlməklə də premyer liqada tarix yazıb.
"Mançester Siti" səfərdə 16 qələbə qazanmaqla "Çelsi"yə aid 15 oyunluq uğuru da keçib.
Tanınmış mütəxəssisin rəhbərliyində "Mançester Siti" 106 qolla bir mövsümdə ən çox fərqlənən komanda olub. Bununla çempion klub 2009-2010 mövsümündə "Çelsi"yə məxsus 103 qollu rekordu geridə qoyub.
M.S. bu mövsüm 38 oyunda 106 qol vurub, 27 qol buraxıb top fərqi +79-la çempionatda bu baxımdan da rekord vurub.
Çempion səfərdə 19 matçda 50 xal qazanaraq da fərqlənib.
"Mançester Siti" 100 xalla ikinci olan "Mançester Yunayted"i (81 xal) 19 xal qabaqlayıb. Bununla Premyer Liqada çempionla ikinci komanda rasında ən böyük xal fərqi olub.
"Mançester Siti" bu sezon 153 dəqiqə geridə oynayıb və bu baxımdan da rekord vurub.
