Qurban Qurbanov: "Onu transfer etmək istəyən klub 5 milyon ödəməlidir" - Video
Futbol, Video
12 May 2018 - 23:43
Azərbaycan Premyer Liqasının 27-ci turunda səfərdə "Keşlə"yə məğlub olan "Qarabağ"ın baş məşqçisi Qurban Qurbanov oyunsonrası mətbuat konfransında jurnalistlərin suallarını cavablandırıb.
Supersport.Az xəbər verir ki, Qurbanov əvvəlcə qarşılaşma ilə bağlı fikirlərini bildirib:
- Bu oyun barədə fikirlərim neqativdir. Rəqibi yaxşı oyun, qələbə münasibəti ilə təbrik edirəm. Futbolçularımız nəticə barədə düşünmürdü. Bəlkə, mən də belə idim. Səhvlərimiz nə idi, burada açıqlamaq istəmirəm. Rəqibin üstün cəhətlərinə diqqət ayırmalıydıq. Futbolçularımız meydana konsentrasiyasız çıxmışdılar. Bu məğlubiyyət bizi düşünməyə vadar edir. Lakin hər komandada belə hallar olur. Bəzən bir komandada hər şey alınır, digərində isə yox. 0:3 hesabıyla uduzmaq istəməzdik. Belə qollar buraxmalı deyildik. Yaxşı deyiləsi bir şey yoxdur.
- Əvəzedici heyətin bir neçə üzvünə şans verdiz. Onlar sizi razı saldılar?
- 15-30 dəqiqəylə bir şey demək olmaz. Onlar bizimlə təlim-məşq toplanışında olublar. İnanılacaq oyunçulardır. Deyə bilmərəm, növbəti mövsümdə əsas komandada olacaqlar, ya yox. Bunun üçün öz üzərlərində çox çalışmalıdırlar.
- Bu gün arxa xəttdə bəzi dəyişikliklər etmişdiniz...
- Kimi meydana buraxıramsa, onun öz tapşırığı olur. O, həmin tapşırığı yerinə yetirməlidir. Qol buraxmaqdan heç vaxt narahat olmamışam. Rəqib öz texniki üstünlüyündən istifadə edib, qol vurursa, buna görə oyunçumu günahlandırmıram. Lakin rəqib komanda səhvdən yararlanıb qol vurursa, bunu yalnız diqqətsizliklə bağlamaq olar.
- Yunanıstan mətbuatında PAOK-un Pedro Enrike üçün 5 milyon avro tələb etdiyi barədə xəbər yayılıb...
- Düzü, bu, Pedronun müqaviləsində yazılıb. Onu transfer etmək istəyən klub bu məbləği ödəməlidir.
Supersport.Az xəbər verir ki, Qurbanov əvvəlcə qarşılaşma ilə bağlı fikirlərini bildirib:
- Bu oyun barədə fikirlərim neqativdir. Rəqibi yaxşı oyun, qələbə münasibəti ilə təbrik edirəm. Futbolçularımız nəticə barədə düşünmürdü. Bəlkə, mən də belə idim. Səhvlərimiz nə idi, burada açıqlamaq istəmirəm. Rəqibin üstün cəhətlərinə diqqət ayırmalıydıq. Futbolçularımız meydana konsentrasiyasız çıxmışdılar. Bu məğlubiyyət bizi düşünməyə vadar edir. Lakin hər komandada belə hallar olur. Bəzən bir komandada hər şey alınır, digərində isə yox. 0:3 hesabıyla uduzmaq istəməzdik. Belə qollar buraxmalı deyildik. Yaxşı deyiləsi bir şey yoxdur.
- Əvəzedici heyətin bir neçə üzvünə şans verdiz. Onlar sizi razı saldılar?
- 15-30 dəqiqəylə bir şey demək olmaz. Onlar bizimlə təlim-məşq toplanışında olublar. İnanılacaq oyunçulardır. Deyə bilmərəm, növbəti mövsümdə əsas komandada olacaqlar, ya yox. Bunun üçün öz üzərlərində çox çalışmalıdırlar.
- Bu gün arxa xəttdə bəzi dəyişikliklər etmişdiniz...
- Kimi meydana buraxıramsa, onun öz tapşırığı olur. O, həmin tapşırığı yerinə yetirməlidir. Qol buraxmaqdan heç vaxt narahat olmamışam. Rəqib öz texniki üstünlüyündən istifadə edib, qol vurursa, buna görə oyunçumu günahlandırmıram. Lakin rəqib komanda səhvdən yararlanıb qol vurursa, bunu yalnız diqqətsizliklə bağlamaq olar.
- Yunanıstan mətbuatında PAOK-un Pedro Enrike üçün 5 milyon avro tələb etdiyi barədə xəbər yayılıb...
- Düzü, bu, Pedronun müqaviləsində yazılıb. Onu transfer etmək istəyən klub bu məbləği ödəməlidir.
