"Sumqayıt"da yeni futbolçular

"Sumqayıt"da yeni futbolçular
Futbol
19 Mart 2018 - 21:26
Ötən turdə “Kəpəz”i məğlub edən “Sumqayıt” istirahəti başa vuraraq, hazırlıq proseslərini bərpa edib.

Supersport.Az-ın klubun saytına istinadən yaydığı xəbərə görə, komanda bu gün saat 16:00-da “Kapital Bank Arena”da Samir Abasovun rəhbərliyi altında məşqə çıxıb. Hazırlığı komandanın rəhbərliyi də izləyib.

Cavid İmamverdiyev, Amil Yunanov, Rəşad Eyyubov və Tural Axundov əsas, Ülvü İsgəndərov, Bəhlul Mustafazadə və Ehtiram Şahverdiyev isə U-21 millinin toplanışında olduğundan məşqdə iştirak etməyiblər. Əvəzedici heyətdən isə bir neçə futbolçu hazırlıq prosesinə cəlb olunub. 1.5 saat davam edən məşqin ilk hissəsi yüngül qaçış, ikinci hissəsi isə toplu çalışmalarla keçirilib.

Qeyd edək ki, “Sumqayıt”  həftə sonu yoxlama görüşü keçirməyi planlaşdırır.

Digər xəbərlər