Rəşad Sadıqovun debütündə uğur

Türkiyənin Antalya şəhərində təşkil olunmuş təlim-məşq toplanışı çərçivəsində 21 yaşadək futbolçulardan ibarət Azərbaycan yığması bu gün yoldaşlıq oyunu keçirib.

Millimizdə baş məşqçi kimi Rəşad Sadıqovun debüt oyunu uğurlu olub.

"Alanyaspor" klubunun nəzdindəki U-21 komandası ilə qarşılaşan yığmamız 3:1 hesabı ilə qələbə qazanıb. Türkiyə təmsilçisinin qapısına qolları Nicat Süleymanov, Elnur Cəfərov və Ülvi İskəndərov vurub.